Deprecated: Optional parameter $output declared before required parameter $atts is implicitly treated as a required parameter in /home/newsfqwf/kechambers/wp-content/themes/themes/publisher2/includes/libs/bs-theme-core/gallery-slider/class-publisher-theme-gallery-slider.php on line 67

Deprecated: uksort(): Returning bool from comparison function is deprecated, return an integer less than, equal to, or greater than zero in /home/newsfqwf/kechambers/wp-content/themes/themes/publisher2/includes/libs/better-framework/compatibility/class-bf-version-compatibility.php on line 139
Hadooh T. 20 lak e u Kyrmen Shylla neibynta u Artificial Turf: Abhilash Bharanwal – Wyrta – kechambers

Hadooh T. 20 lak e u Kyrmen Shylla neibynta u Artificial Turf: Abhilash Bharanwal – Wyrta

Ynne ka sngi heipor wa wan wai ya ka madan East Jaiñtia District Sports Association (EJDSA) Artificial Grass Football Ground ha Dienchynrum, East Jaiñtia Hills, neiliang u Deputy Commissioner ka District, u Abhilash Bharanwal da khana u ya ka parom wa da lai wow pynwandur ya kani ka madan kamwa man ko wei da chna ya ka ha i lut wa T. 2.5 klur wa da yoh naka District Mineral Foundation Trust.

Da ong ui thmu wow chna ya kani ka madan toh 5-6 bnai chwa heipor wa lai u cha nongpoh ha Byrnihat heiwa da yachem u wa u Kyrmen Shylla uwa dang wan na nongbah New Delhi heiwa da parom kammon wa da chah yoobeiñ u ha kiwi ki Montri kiwa da kular wow booh ya kani ka madan Artificial Turf hapoh ka District.

Chooh chooh da ong u wa heipor wa parom da yaklam wa ka East Jaiñtia man ko kawa maya ya ka yalehbol wei hajrong i chah chukor, da rai ki wow pynyoo ya ka sorkar wa ki leh kam ka District ye ki wow chna ya ka madan kamwa man cha kiwi ki thaw.

Da khana u wa ini i parom da man i kam iwa e mynsien ya ki wei mar poi u ha Khliehriat da yaklam u wa u ADC, u Jonathan Shylla hajrong ini i kaam wei da thooh u lyngba ka India Mart ya ki Contractor kiwa pliah kiwa ye sakhiat u kreh ya ini i kaam katkam ka poisa wa ye u yoh ha ka District wei da chem wa i dor uni u phlang wa kyrpang kynjoh u cha ka T. 2 klur tam wei da chem wa ym em poisa hapoh ka DMF.

Heijooh i por da lai yaklam u wa u Kyrmen Shylla wow khana wa ym em poisa wow chna ya kani ka madan heiwa da eu hadooh T. 20 lak cha ka DMF wow chna ya ka madan deiwa e khublei leh ya kiwa kreh ka DMF wa da kreh chitom ki hadooh wow pynman ya kani ka madan kam kawi na kiwa miat dooh hapoh ka jylla.

Da e khublei u leh ya waroh kiwa da kreh chitom wow chna pynmiat ya kani ka madan.

Comments are closed.